Qazaqstan Respýblıkasy Ulttyq ekonomıka mınıstrliginiń buıryǵy  №707

  2015 jylǵy 20 qarasha, Astana qalasy Memlekettik ınvestısııalar jáne kvazımemlekettik sektor sýbektileriniń qarajaty esebinen obektiler qurylysynyń qunyn aıqyndaý qaǵıdalaryn bekitý týraly «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasy Zańynyń 20-babynyń 6-3) tarmaqshasyna sáıkes buıyramyn: 1. Qosa berilip otyrǵan Memlekettik ınvestısııalar jáne kvazımemlekettik sektor sýbektileriniń qarajaty esebinen obektiler qurylysynyń qunyn aıqyndaý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin ulttyq ekonomıka vıse-mınıstrine júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ulttyq ekonomıka mınıstri E. DOSAEV «KELISILGEN» Qazaqstan Respýblıkasynyń Investısııalar jáne damý mınıstri ________________Á. Isekeshev 2015 jylǵy «____»___________ «KELISILGEN» Qazaqstan Respýblıkasynyń Investısııalar jáne damý mınıstriniń m.a. ________________A. Raý 2015 jylǵy 26 qarasha «KELISILGEN» Qazaqstan Respýblıkasynyń Qarjy mınıstri ________________B. Sultanov 2015 jylǵy 27 qarasha «KELISILGEN» Qazaqstan Respýblıkasynyń Mádenıet jáne sport mınıstri ________________A. Muhamedıuly 2015 jylǵy 27 qarasha «KELISILGEN» Qazaqstan Respýblıkasynyń Energetıka mınıstri ________________V. Shkolnık 2015 jylǵy 25 qarasha «KELISILGEN» Qazaqstan Respýblıkasynyń Qarjy mınıstri ________________B. Sultanov 2015 jylǵy 27 qarasha Qazaqstan Respýblıkasy Ulttyq ekonomıka mınıstriniń 2015 jylǵy 20 qarashadaǵy №707 buıryǵymen bekitilgen Memlekettik ınvestısııalardyń jáne kvazımemlekettik sektor sýbektileriniń qarajattary esebinen obektiler qurylysynyń qunyn aıqyndaý qaǵıdalary 1. Jalpy erejeler 1. Osy Memlekettik ınvestısııalardyń jáne kvazımemlekettik sektor sýbektileriniń qarajattary esebinen obektiler qurylysynyń qunyn aıqyndaý qaǵıdalary (budan ári – Qaǵıdalar) «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 maýsymdaǵy Qazaqstan Respýblıkasy Zańynyń (budan ári – Zań) 20-babynyń 6-3) tarmaqshasyna sáıkes ázirlendi jáne qurylystaǵy memlekettik ınvestısııalardyń jáne kvazımemlekettik sektor sýbektileriniń qarajattary esebinen obektiler qurylysynyń (budan ári – obektiler qurylysy) qunyn aıqyndaý tártibin belgileıdi. 2. Osy Qaǵıdalar qurylystaǵy memlekettik ınvestısııalardyń jáne kvazımemlekettik sektor sýbektileriniń qarajattary esebinen obektilerdi salýǵa arnalǵan ınvestısııalyq jobalardy ázirleý men júzege asyrý kezinde Qazaqstan Respýblıkasyndaǵy sáýlet, qala qurylysy jáne qurylys qyzmetin júzege asyratyn sýbektilerge arnalǵan. 3. Osy Qaǵıdalarda mynadaı negizgi uǵymdar paıdalanylady: 1) jobany basqarý – salynǵan bıýdjet pen merzimder sheńberinde ınvestısııalyq jobanyń maqsattaryna jetý úshin tapsyrys berýshimen ne ınvestormen jasalǵan sharttarǵa sáıkes obektilerdi jobalaýdy, qurylysyn salýdy jáne olardy paıdalanýǵa berýdi uıymdastyrý, josparlaý, úılestirý, baqylaý jónindegi qyzmet; 2) qurylys aýmaǵyn daıyndaýǵa (ıgerýge) jáne obektini paıdalanýǵa engizýge arnalǵan jıyntyq smeta – jerdi bólý, qurylys aýmaǵy men paıdalanýshy personalyn daıyndaý, iske qosý-jóndeý jumystaryn jáne paıdalanýǵa memlekettik ınvestısııalar obektisin engizýdi qamtamasyz etetin jabdyqty keshendi baıqap kórýdi júrgizý úshin qajetti qarajat kólemin aıqyndaıtyn qujat; 3) qurylys qyzmeti (budan ári - qurylys) - jańa obektiler salý jáne (nemese) bar obektilerdi (úılerdi, ǵımarattar men olardyń keshenderin, kommýnıkasııalardy) ózgertý (keńeıtý, jańǵyrtý, tehnıkamen qaıta jaraqtandyrý, rekonstrýksııalaý, qalpyna keltirý, kúrdeli jóndeý), olarmen baılanysty tehnologııalyq jáne ınjenerlik jabdyqtardy montajdaý (bólshekteý), qurylys materıaldaryn, buıymdar men konstrýksııalaryn daıyndaý (óndirý), sondaı-aq aıaqtalmaǵan obektiler qurylysyn konservasııalaý men óz resýrstaryn taýysqan obektilerdi keıinnen kádege jaratý jumystaryn júzege asyrý jolymen óndiristik jáne óndiristik emes negizgi qorlardy qurý jónindegi qyzmet; 4) qurylys obektisi – oǵan jatatyn barlyq jaılastyrýlary, jabdyqtary, jıhazy, múkámmaly, oǵan jatatyn qosalqy jáne qosymsha qurylǵylary bar, oǵan jaqyn jerde ornalasqan ınjenerlik jelileri jáne jalpy alańdyq materıaldary bar jeke turǵan ǵımarat nemese ózge maqsattaǵy ǵımarattar men qurylystardyń jıyntyǵy; 5) qurylysqa salynatyn memlekettik ınvestısııalar (budan ári – memlekettik ınvestısııalar) – jańa úıler men ǵımarattardy, olardyń keshenderin, ınjenerlik jáne kólik kommýnıkasııalaryn salýǵa, sondaı-aq burynnan bar obektilerdi rekonstrýksııalaýǵa (keńeıtýge, jańǵyrtýǵa, tehnıkalyq qaıta jaraqtandyrýǵa) nemese kúrdeli jóndeýge salynatyn ınvestısııalar, olardyń kózi: respýblıkalyq jáne (nemese) jergilikti bıýdjetterdiń qarajaty, onyń ishinde bıýdjettik ınvestısııalarǵa jáne kvazımemlekettik sektor sýbektilerine bıýdjettik kredıt berýge jiberiletin nysanaly qarajat; memleket kepildigimen ne memleket kepilgerligimen memlekettik emes qaryzdardyń nysanaly qarajaty; Qazaqstan Respýblıkasy Ulttyq qorynyń qarajaty; konsessııalyq jobalardy iske asyrýǵa jiberilgen qarajat bolyp tabylady; 6) qurylystaǵy baǵa belgileý – qurylys óniminiń qunyn qalyptastyrý tetigi; 7) qurylystyń joba aldy smetalyq quny – qurylys jobasyn saraptamaǵa usyný aldynda, ázirleýdi aıaqtaý satysynda aıqyndalǵan jáne tıisti jıyntyq smetalyq esepte sıpattalǵan qurylystyń smetalyq quny; 8) qurylystyń saraptama aldy smetalyq quny – tıisti jıyntyq smetalyq esepte sıpattalǵan qurylys jobasy boıynsha memlekettik saraptamanyń qorytyndysymen bekitýge usynylǵan qurylystyń smetalyq quny; 9) qurylystyń smetalyq quny – somasy jobalaý materıaldary men smetalyq-normatıvtik baza negizinde aıqyndalatyn, obektiniń qurylysyn júzege asyrý úshin qajetti aqsha; 10) merdigerdiń smetasy (oferta) – merdigerlik jumystar men qyzmetterdi satyp alý boıynsha konkýrstarǵa qatysý úshin menshikti uıymdyq-tehnologııalyq múmkindikti eskere otyryp, olar jasaıtyn merdigerdiń konkýrstyq ótiniminiń quramyndaǵy smetalyq qujattama; 11) obektilerdi salýǵa arnalǵan jıyntyq smetalyq esep – sáýlet, qala qurylysy jáne qurylys qyzmeti salasyndaǵy zańnamamen rettelmeıtin jáne qurylys aýmaǵyn daıyndaýǵa (ıgerýge) jáne obektini paıdalanýǵa berýge jıyntyq smetaǵa engiziletin tapsyrys berýshiniń shyǵyndaryn qospaǵanda, ınvestısııalyq jobany iske asyrýǵa arnalǵan bıýdjettik baǵdarlama ákimshisiniń barlyq shyǵyndaryna arnalǵan qarajat lımıtin qamtıtyn qujat; 12) resýrstyq ádis – qurylys jobasyn iske asyrý úshin shyǵyndar (resýrstar) elementteriniń aǵymdaǵy baǵalarynda jáne tarıfterinde kalkýlıasııalaý arqyly qurylystyń qunyn aıqyndaý ádisi; 13) sáýlet, qala qurylysy jáne qurylys qyzmeti salasyndaǵy ınjınırıngtik qyzmetter kórsetý – ońtaıly jobalyq kórsetkishterge qol jetkizý maqsatynda qurylystyń daıyndyǵyn jáne júzege asyrylýyn qamtamasyz etetin qyzmetter kesheni (tehnıkalyq jáne avtorlyq qadaǵalaý, jobany basqarý); 14) sáýlet, qala qurylysy jáne qurylys isteri jónindegi ýákiletti organ - sáýlet, qala qurylysy jáne qurylys qyzmetin memlekettik basqarý salasyndaǵy basshylyqty júzege asyratyn ortalyq memlekettik organ; 15) smetalyq qujattama – qurylystaǵy smetalyq qundy aıqyndaıtyn qurylys jobasy quramyndaǵy qujattama; 16) smetalyq normalar – qurylys, montaj jáne basqa da jumystardyń qabyldanǵan ólsheýishine belgilengen resýrs­tardyń (qurylys qyzmetkerleri eńbeginiń, qurylys mashınalarynyń jumys isteý ýaqytynyń, materıaldarǵa, buıymdarǵa jáne konstrýksııalarǵa qajettiliktiń shyǵyndary) jıyntyǵy nemese esepteýdiń qabyldanǵan bazasynan prosentte kórinis bergen qurylys kezindegi jekelegen shyǵystar men shyǵyndardyń mólsherin kórsetetin salystyrmaly shamalar; 17) smetalyq-normatıvtik baza – materıaldarǵa, buıymdarǵa jáne jabdyqtarǵa arnalǵan smetalyq normalar men smetalyq baǵalardyń jınaǵy; 18) smetalyq normatıvter – qurylystyń smetalyq qunyn aıqyndaý úshin baǵa belgileý men smetalar boıynsha jáne mynalardy qamtıtyn normatıvtik qujattar kesheni: obektilerdi salýdyń qunyn aıqyndaý jónindegi ádistemelik nusqamalar, nusqaýlyqtar men usynymdar; qabyldanǵan ólsheýishke belgilengen qurylystaǵy jumystarǵa arnalǵan smetalyq normalar; esepteýdiń qabyldanǵan bazasynan prosentte kórsetilgen qurylystaǵy jekelegen shyǵystar men shyǵyndarǵa arnalǵan smetalyq normalar; irilendirilgen smetalyq normalar; qurylys resýrstaryna arnalǵan smetalyq baǵalar; 19) tapsyrys berýshiniń (ınvestordyń, qurylys salýshynyń, bıýdjettik baǵdarlamalar ákimshisiniń) smetasy – ınvestısııalyq qyzmetti josparlaýǵa jáne merdigerlik jumystar men qyzmetterdi satyp alý boıynsha konkýrs ótkizý úshin qurylystyń barynsha baǵasyn aıqyndaýǵa arnalǵan memlekettik smetalyq normatıvtik qujattardyń negizinde jasalatyn smetalyq qujattama; 20) tapsyrys berýshi – bıýdjettik baǵdarlamalar ákimshisi nemese kvazımemlekettik sektor sýbektisi. 4. Memlekettik ınvestısııalardyń nemese kvazımemlekettik sektor sýbektileriniń qarajattary esebinen qarjylandyrylatyn obektilerdi salýdyń resýrstyq smetalyq qunyn aıqyndaý kezinde smetalyq esepter ádistemesiniń, rásimder men nátıjeleriniń anyqtylyǵy men transparenttiligi, sondaı-aq, memlekettik-ınvestısııalyq jobany iske asyrýdyń barlyq satylarynda qarajatty jumsaýdyń eseptiligi negizgi talaptar bolyp tabylady. 5. Qazaqstan Respýblıkasynyń Azamattyq kodeksi, «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Qazaqstan Respýblıkasynyń Zańy, osy Qaǵıdalar jáne Zańnyń 20-babynyń 23-16) tarmaqshasyna sáıkes sáýlet, qala qurylysy jáne qurylys salasyndaǵy memlekettik normatıvtik qujattar (budan ári – Memlekettik normatıvter) Qazaqstan Respýblıkasynda obektilerdi salýdyń qunyn aıqyndaýdyń normatıvtik jáne quqyqtyq negizi bolyp tabylady. 6. Obektiler qurylysynyń quny mynadaı: 1) jobalaý aldy jáne jobalaý (jobalaý-smetalyq) qujattamany ázirleý, saraptama jasaý; 2) jobalaý, merdigerlik jáne ınjınırıngtik jumystarǵa arnalǵan qyzmetterdi satyp alý boıynsha konkýrsty ótkizý; 3) obektini salý; 4) qurylysy aıaqtalmaǵan obektilerdi konservasııalaý; 5) obektilerdi keıinnen kádege jaratý satylarynda anyqtalady. 7. Obekti qurylysynyń qunyna mynadaı: 1) joba aldy qujattamasyn (tehnıkalyq-ekonomıkalyq negizdemelerin) ázirleý jáne saraptama jasaý boıynsha; 2) salalyq zańnamalyq normalar sheginde retteletin bıýdjettik ınvestısııalyq jobalar boıynsha; 3) qurylystyń smetalyq quny boıynsha shyǵyndar kiredi. 8. Obektilerdi salýǵa arnalǵan shyǵyndardyń qunyn aıqyndaý satysyna baılanysty mynalar jasalady: 1) qurylystyń eseptik quny; 2) qurylystyń joba aldy smetalyq quny; 3) qurylystyń saraptama aldy smetalyq quny; 4) qurylystyń shart quny; 5) qurylystyń naqty smetalyq quny; 6) obektini salýǵa arnalǵan merdigerdiń naqty shyǵyndary. 9. Mynalar qurylys qunyn aıqyndaý úshin bastapqy derekter bolyp tabylady: 1) joba aldy qujattamany ázirleý satysynda: ázirleýge arnalǵan tehnıkalyq tapsyrma nemese tehnıkalyq erekshelik; eskızdik sheshimder (eskızdik joba); uqsas obektiler boıynsha derekter; 2) jobalaý satysynda: jobalaýǵa arnalǵan tapsyrma; jobalyq sheshimder (jobalaý qujattama); qurylys uıymynyń jobasy. 2. Obektilerdi salýǵa arnalǵan jobalaý aldyndaǵy qujattama ázirleý men saraptama qunyn aıqyndaý jáne joba aldy satysynda qurylystyń qunyn aıqyndaý 10. Jobalaý aldyndaǵy qujattamany (tehnıkalyq-ekonomıkalyq negizdemelerdi) ázirleý quny Memlekettik normatıvterge sáıkes aıqyndalady. 11. Jobalaý aldyndaǵy qujattamanyń saraptamasynyń (tehnıkalyq-ekonomıkalyq negizdemelerdiń) quny Zańnyń 20-babynyń 23-18) tarmaqshasyna sáıkes aıqyndalady. 12. Joba aldy satysyndaǵy qurylystyń quny (qurylystyń eseptik quny) Memlekettik normatıvterge sáıkes aıqyndalady. 13. Qurylystyń eseptik quny memlekettik ınvestısııalardy josparlaý, onyń ishinde bıýdjettik josparlaý maqsatymen aıqyndalady. 3. Salalyq zańnamalyq normalar sheńberinde retteletin bıýdjettik ınvestısııalyq jobalar shyǵyndaryn aıqyndaý 14. Salalyq zańnamalyq normalar sheńberinde retteletin bıýdjettik ınvestısııalyq jobalar shyǵyndar quramyna mynalar kiredi: 1) qurylys aýmaǵyn daıyndaýǵa (ıgerýge) jáne obektilerdi paıdalanýǵa berýge arnalǵan shyǵyndar; 2) jergilikti jerde jer ýchaskesiniń shekaralaryn belgileý úshin jerge ornalastyrý jobasyn ázirleýge nemese jer-kadastrlyq josparyn qurýǵa arnalǵan shyǵyndar; 3) qurylysqa arnalǵan jer ýchaskesin alyp qoıý (satyp alý) kezinde jer úshin tólemder; 4) arheologııa, tarıh jáne mádenıet, qala qurylysy jáne sáýlet eskertkishteriniń tarıhı-mádenı saraptamasyna, sondaı-aq, qurylys alańy sheginde arheologııalyq qazbalardy oryndaýǵa baılanysty shyǵyndar; 5) buzylatyn qurylystar men baý-baqsha ekpeleri, egistik, jer jyrtý jáne basqa aýyl sharýashylyǵy jumystary úshin ótemaqy tóleýge, tabıǵı ortaǵa keltiriletin nuqsanǵa, zalaldardy jáne shyǵyndardy óteý boıynsha shyǵyndar; 6) obektini jobalaý jáne qurylysy kezeńinde paıdalanylatyn jer ýchaskesin jalǵa alý (qurylys qajettilikteri úshin berilgen qosymsha jer ýchaskesi) úshin tólem; 7) topyraqtyń, qumnyń, usaq tastyń ýaqytsha karerlerin barlaýǵa, bólýge jáne ázirleýge, bólingen karerlerdegi qol qoıylatyn bonýstary men kommersııalyq tabý bonýstaryn tóleýge arnalǵan shyǵyndar; 8) obektini salý úshin geodezııalyq bólý negizin (qurylys tory, qyzyl syzyqtar, ǵımarattyń (qurylystyń) gabarıtterin aıqyndaıtyn basty bólý osteri, bıiktik reperler, ınjenerlik kommýnıkasııalardyń, avtojoldardyń, elektrmen jabdyqtaý jelileriniń, baılanystyń, sý qubyry trassasynyń, kárizdiń, jylýdyń, gazdandyrýdyń basty osteri) qurýǵa arnalǵan shyǵyndar; 9) qurylys kezeńinde jer salyǵyn tóleý; 10) jer ýchaskesiniń radıologııalyq jaǵdaıyn ólsheýge arnalǵan shyǵyndar; 11) sý paıdalanýdy toqtatýǵa nemese sharttaryn ózgertýge baılanysty sý sharýashylyǵy is-sharalarynan keltiriletin zalaldardy óteý boıynsha shyǵyndar; 12) paıdalanýshy personaldy daıyndaýǵa (óndiristik maqsattaǵy jańadan salynyp jatqan obektiler úshin) arnalǵan shyǵyndar; 13) jabdyqty keshendi baıqap kórýmen iske qosý-jóndeý jumystaryna, iske qosý-jóndeý jumystary úshin shıkizatqa jáne materıaldyq resýrstarǵa, iske qosý-jóndeý jumystaryn júrgizý kezeńinde paıdalanýshy personalyn ustaýǵa (óndiristik maqsattaǵy obektiler úshin) arnalǵan shyǵyndar; 14) jer ýchaskelerin ýaqytsha jáne turaqty paıladaný quqyǵyna aktini daıyndaýǵa jáne berýge arnalǵan shyǵyndar; 15) jyljymaıtyn múlik obektilerine tehnıkalyq pasport daıyndaýǵa jáne berýge arnalǵan shyǵyndar; 16) jyljymaıtyn múlikke quqyqty memlekettik tirkeýge arnalǵan shyǵyndar; 17) lısenzııalyq kelisimder jáne lısenzıardyń qyzmet kórsetýi boıynsha shyǵyndar; 18) syrtqy qaryz esebinen qarjylandyrylýy boljanatyn shyǵyndar. 15. Qurylys aýmaǵyn daıyndaýǵa (ıgerýge) jáne obektini paıdalanýǵa berýge arnalǵan jıyntyq smeta, normatıvtik quqyqtyq aktilerdi memlekettik tirkeý tiziliminde № 9938 tirkelgen «Memlekettik ınvestısııalyq jobanyń ınvestısııalyq usynysyn ázirleý nemese túzetý, qajetti saraptamalardy júrgizý, sondaı-aq bıýdjettik ınvestısııalardy josparlaý, qaraý, irikteý, monıtorıngileý jáne iske asyrylýyn baǵalaý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 5 jeltoqsandaǵy № 129 buıryǵyna sáıkes, obektilerdi salýǵa arnalǵan bıýdjettik ınvestısııalyq joba tehnıko-ekonomıkalyq negizdeme jáne/nemese bıýdjettik ınvestısııalyq joba jobalaý (jobalaý-smetalyq) qujattama quramynda, keıingi bekitýmen salalyq (óndiristik maqsattaǵy obektiler úshin) jáne/nemese jáne keshendi vedomstvodan tys saraptamadan ótýge jatady. 4. Obektini salýdyń smetalyq qunyn aıqyndaý 16. Obektini salýdyń smetalyq qunyna mynalar engiziledi: 1) merdigerlik qurylys-montaj jumystarynyń, shyǵyndar men qyzmetterdiń smetalyq quny; 2) tapsyrys berýshiniń jabdyǵynyń, jıhazynyń jáne múkámmalynyń quny; 3) tapsyrys berýshiniń jobany jáne tehnıkalyq qadaǵalaýdy basqarýǵa arnalǵan shyǵyndary; 4) jobalaý-smetalyq qujattamany ázirleý quny, onyń ishinde qurylys úshin ınjenerlik izdestirýlerdiń quny jáne jobalaý jumystaryna arnalǵan shyǵyndar; 5) jobalaý-smetalyq qujattamanyń saraptamasynyń quny; 6) avtorlyq qadaǵalaýdy júzege asyrýǵa arnalǵan shyǵyndar; 7) tapsyrys berýshiniń boljanbaǵan jumystar men shyǵyndarǵa arnalǵan qarajattarynyń rezervi. 17. Obektilerdi salýdyń smetalyq quny normatıvtik quqyqtyq aktilerdi memlekettik tirkeý tiziliminde № 11905 tirkelgen, Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti Tóraǵasynyń 2015 jylǵy 3 shildedegi № 235-nq buıryǵymen bekitilgen Qazaqstan Respýblıkasynda qurylystyń smetalyq qunyn aıqyndaý jónindegi memlekettik normatıvke sáıkes aıqyndalady. 18. Zańnamada bekitilgen tártippen bekitilgen qurylystyń saraptama aldy qun, memlekettik ınvestısııalardyń esebinen nemese kvazımemlekettik sektor sýbektileriniń qarajattary esebinen ınvestısııalyq jobalardy iske asyrýǵa arnalǵan qarajat kólemin aıqyndaý úshin negizdeme bolyp tabylady. 5. Obektini salýdyń shart baǵasyn aıqyndaý 19. Qurylystyń shart baǵasy merdigerlik jumystardy jáne qyzmetterdi satyp alý konkýrs nátıjeleri boıynsha memlekettik ınvestısııalar úshin memlekettik satyp alý salasyndaǵy zańnamaǵa, kvazımemlekettik sektor úshin «Ulttyq basqarýshy holdıng, Ulttyq holdıngter, ulttyq kompanııalar jáne aksııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesin bekitý týraly» Qazaqstan Respýblıkasy Úkimetiniń 2009 jylǵy 28 mamyrdaǵy № 787 qaýlysyna sáıkes konkýrsta jeńip shyqqan merdigerdiń usynǵan baǵasynyń negizinde, tapsyrys berýshiniń smetasynda belgilengen qarajattyń sheginde onyń smetasy (ofertasy) boıynsha aıqyndalady. 20. Tapsyrys berýshiniń smetasy elektrondyq formatta konkýrstyq qujattama quramynda áleýetti merdigerge beriledi. 21. Merdigerdiń smetasy (ofertasy) eńbekke aqy tóleý jónindegi merdigerdiń býhgalterlik derekteri, qurylys mashına­laryn paıdalanýdyń quny, naqty mámileler, qoldanystaǵy kelisim-sharttar boıynsha nemese olardy jetkizýge arnalǵan usynystar boıynsha, ústeme shyǵystarynyń naqty deńgeıi boıynsha materıaldyq resýrstardyń quny negizinde qurylys resýrstaryn qaıta baǵalap, tapsyrys berýshiniń smetasy bazasyndaǵy aǵymdaǵy baǵalarda resýrstyq ádispen jasalady. 22. Tapsyrys berýshiniń smetasy bazasynda merdigerdiń smetasyn jasaý kezinde joba boıynsha jumystardyń ataýy men naqty kólemderi, qurylys resýrstarynyń normatıvtik shyǵystary, joba boıynsha (tapsyrys berýshi smetasynyń resýrstyq bóligi) qurylys konstrýksııalary men materıaldarynyń sapalyq jáne sandyq quramy ózgerissiz qalady. 23. Merdigerge mashınalar jáne tetikter bóliginde, eger engiziletin tehnıka qýaty men ónimdiligi boıynsha normatıvtik ýaqytqa áser etpeıtin bolsa, tehnıkalyq sıpattamalary boıynsha smetalyq normalarda qabyldanǵan qurylys tehnıka­sy­nyń biriktirilgen túrlerine sáıkes keletin, paıdalanatyn tehnıkanyń naqty markasyn kórsetýge ruqsat etiledi. Sondaı-aq, merdiger jumystardyń naqty túrinde olardyń úlesi resýrstardyń tıisti tobynyń jalpy qunynda 5% aspaıtyn, qosalqy tehno­logııalyq fýnksııalardy oryndaıtyn «ózge» (qosalqy) materıaldardyń, «ózge» (qosalqy) qurylys mashınalary men tetikteriniń pozısııalary boıynsha óziniń nusqasyn usyna alady. О́zge resýrstardyń nusqalaryn merdiger sapasyn nasharlatpaı jáne tehnologııasyn buzbaı, jeke praktıkany eskere otyryp, saraptamalyq baǵalaý ádisimen qalyptastyrady. 24. Tapsyrys berýshiniń jáne merdigerdiń smetalaryndaǵy tıisti jumystar men shyǵyndardyń biryńǵaı qunyn salystyrý negizinde shart baǵasynyń quramynda tapsyrys berýshi smetasynyń barlyq pozısııalary (jumystar jáne jeke shyǵyndar) boıynsha jekelegen shart baǵalarynyń katalogy jasalady jáne bekitiledi. Jekelegen shart baǵalary qosylǵan qun salyǵynsyz barlyq tıisti qosymsha eseptermen birge joba boıynsha jumystardyń qabyldanǵan birligine teńgede jasalady. Bul jekelegen shart baǵalarynyń katalogy oryndalǵan jumystar úshin tapsyrys berýshi men merdigerdiń arasyndaǵy ózara esep aıyrysý kezinde negiz bolyp tabylady. 25. Merdigerdiń naqty derekteri boıynsha aıqyndalatyn qun kórsetkishterin qospaǵanda, normatıvtik quqyqtyq aktilerdi memlekettik tirkeý tiziliminde № 11905 tirkelgen, Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti Tóraǵasynyń 2015 jylǵy 3 shildedegi №235-nq buıryǵymen bekitilgen Qazaqstan Respýblıkasynda qurylystyń smetalyq qunyn aıqyndaý jónindegi memlekettik normatıvtiń negizgi erejeleri, talaptary, sharttary jáne shekteýleri saqtalyp, merdigerdiń menshikti uıymdyq jáne tehnıkalyq múmkindikteri eskerile otyryp, merdigerdiń smetasy jasalady. 26. Konkýrs aıaqtalǵannan keıin ótinimniń quramynda tapsyrys berýshige (konkýrstyq komıssııaǵa) usynylǵan merdigerlerdiń smetalarynyń elektrondyq kóshirmeleri konkýrstyń nátıjeleri resmı jarııalanǵan kúninen bastap úsh jumys kúnnen aspaıtyn merzimde ýákiletti organǵa jáne (nemese) olar aıqyndaǵan smetalyq normatıvterdi ázirleý jónindegi fýnksııalardy júzege asyrtyn uıymǵa beriledi. Alynǵan aqparat smetalyq normatıvterdi ázirleý jáne jetildirý boıynsha jumystardyń maqsattary men sheginde ǵana paıdalanylady. Buıryq Qazaqstan Respýblıkasynyń Ádilet mınıstrliginde 2015 jylǵy 26 jeltoqsanda Normatıvtik quqyqtyq kesimderdi memlekettik tirkeýdiń tizilimine №12527 bolyp engizildi.